Tuńǵysh ret qurylǵan Jastar keńesinde jańa taǵaıyndaýlar boldy, dep habarlaıdy Qamshy.kz aqparat agenttigi QR MSM Baspasóz qyzmetine silteme jasaı otyryp.

Qazaqstan Respýblıkasy Mádenıet jáne sport mınıstri, Jastar Keńesiniń Tóraǵasy Arystanbek Muhamedıulynyń 2 mamyrdaǵy buıryǵymen Jastar Keńesiniń tóraǵasynyń orynbasary Aqberen Elgezek, al Keńestiń hatshysy bolyp Qazaqstan jazýshylar odaǵynyń Astana qalalyq fılıaly dırektory Baýyrjan Qaraǵyzuly bekitildi.

Esterińizge sala ketsek, ulttyq ádebıetimizdi jáne aqyndyq ónerdi qoldaý men nasıhattaý maqsatynda Qazaqstan Respýblıkasy Mádenıet jáne sport mınıstrligi janynan Jastar keńesi qurylǵan bolatyn.

Jastar keńesi – óner jáne ádebıet salasynda ádistemelik-saraptamalyq jumysty júzege asyrý úshin qurylǵan konsýltatıvtik-keńestik organ bolyp tabylady.

Keńestiń negizgi mindetteri: jastarǵa qatysty keshendi ádebıet jáne óner salalarynyń basym baǵyttaryn anyqtaý, ony qalyptastyrý jáne iske asyrý; jeke jáne zańdy tulǵalarmen, shyǵarmashylyq odaqtar, assosıasıalar jáne taǵy basqa qoǵamdyq mańyzy uıymdarmen birlese otyryp jumys júrgizý; jastardyń túrli zamanaýı forýmdarǵa, konferensıalarǵa, jıyndarǵa qatysý jáne Mınıstrliktiń sheshimderin talqylaý men qabyldaý kezinde jurtshylyqtyń pikirin eskere otyryp jumys jasaý, memlekettik jáne úkimettik baǵdarlamalardyń jobalaryn jáne taǵy basqada jastarǵa qatysty ózge de mańyzdy suraqtaryn talqylaý; shyǵarmashylyq qaıratkerlermen jumys barysynda týyndaǵan máselelerdi sheshýde ortalyq jáne jergilikti atqarýshy organdarǵa konsýltatıvtik kómek kórsetedi.