Ońtústik Qazaqstan oblysy, Saıram aýdanynda 1991 jyly týǵan jigit kórshisiniń 13 jasar ulyna jynystyq sıpattaǵy zorlyq jasaǵan. Bul jaıynda Qamshy.kz aqparat agenttigi otyrar.kz saıtyna silteme berip habarlaıdy.

Qarabulaq aýylynda turatyn 27 jastaǵy jigit úıde eshkimniń joqtyǵyn paıdalanyp jasóspirim ul balany qushaqtap, súıip, aram pıǵylyn iske asyrmaq bolǵan.

OQO mamandandyrylǵan aýdanaralyq qylmystyq ister jónindegi sotynda atalǵan jáıt boıynsha qylmystyq is qaralyp, sot úkimi shyǵarylǵan. Sot tergeýi barysynda 27 jastaǵy Ó. óz kinásin moıyndamaǵan. Alaıda sot medısınalyq saraptama nátıjesimen kinási dáleldenip, 15 jylǵa bas bostandyǵynan aıyrý jazasyna kesildi.

Oǵan QR QK — niń 121 babynyń 4 — shi bóligimen, ıaǵnı kámeletke tolmaǵan tulǵaǵa jynystyq sıpattaǵy zorlyq kórsetkeni úshin aıyp taǵyldy.