Qazaqstandyq bal óndirýshiler Qytaı naryǵyna kiredi. Osy maqsatta azyq-túlik qaýipsizdigin baqylaý jáne bal óndiretin qazaqstandyq kásiporyndarǵa tekserý júrgizý úshin qytaılyq sarapshylardyń ınspeksıalyq toby Qazaqstan Respýblıkasyna keldi, dep habarlaıdy Qamshy.kz aqparat agenttigi QR ASHM baspasóz qyzmetine silteme jasaı otyryp.

QR Aýyl sharýashylyǵy mınıstrliginiń qoldaýymen sarapshylar Almaty, Shyǵys Qazaqstan, Batys Qazaqstan, Ońtústik Qazaqstan oblystaryndaǵy birqatar bal ónimderin óndiretin kásiporyndardy tekseredi. Osy ınspeksıanyń qorytyndysy boıynsha qazaqstandyq baldy Qytaı naryǵyna shyǵarý týraly sheshim qabyldanady.

2018 jyldyń 5 mamyrynda delegasıa Almaty oblysynyń Alakól aýdanyndaǵy kásiporyndardy tekserýdi bastaıdy. Jońǵar-Alataý ulttyq parkinde ornalasqan «Lepsi-ónimi» kásipornyna tekserý júrgizildi. Kásiporyn zákirli óndiris úlgisi bolyp tabylady, sebebi olar óz omartalarynan basqa, jergilikti omartashylardan da bal alyp, ónimniń birtektes dámi men hosh ıisin anyqtaıdy.

Inspeksıalyq toptyń Qazaqstan Respýblıkasy aýmaǵyna shaqyrylýy – Elbasynyń otandyq aýyl sharýashylyǵy taýar óndirýshileriniń eksporttyq áleýetin arttyrý, birinshi kezekte agroónerkásiptik keshendegi eńbek ónimdiligin jáne eksporttyq óńdelgen aýyl sharýashylyǵy ónimderin 2,5 ese arttyrý kerek dep qoıǵan tapsyrmasyn júzege asyrýdyń birden-bir joly bolyp tabylady.

Sondaı-aq, jumys barysynda Aýyl sharýashylyǵy mınıstrliginiń ókilderi ınspeksıalyq toptyń sarapshylaryna jáne buqaralyq aqparat quraldarynyń ókilderine Respýblıkamyzdaǵy eń iri asyl tuqymdy «Angýs» jáne «Gereford» reprodýktorlaryn, Alakól aýdanynda ornalasqan et kombınattarymen birge bordaqylaý alańdaryn jáne bekire tuqymdas balyq fermasynyń jumystarymen tanystyrdy.

Inspeksıalyq toptyń oń qorytyndysy otandyq taýar óndirýshiler úshin damýdyń perspektıvalyq baǵyttaryn ashyp, ónimniń kólemin ulǵaıtýǵa, tehnıkalyq jáne ekonomıkalyq áleýetti arttyrýǵa múmkindik beredi