Búgin elimizde jeńistiń 73 jyldyǵy toılanyp jatyr. Osy ataýly merekege oraı Qazaqstannyń ár aımaǵynda maıdan shebinde otan qorǵaǵan ardagerlerdiń qatysýymen máńgilik alaýǵa gúl qoıý rásimderi, túrli merekelik sharalar ótip jatyr.

1939 jyldyń 1 qyrkúıeginde Polsha memleketine shabýyl jasaǵan fashısik Germanıa áskeri 1941 jyldyń 22 maýsymynda KSRO shekarasyna soqqy jasady. Dúnıejúzi halqynyń 80 % -y qatysqan qandy qyrǵynǵa Qazaqstannan 2 mıllıonǵa jýyq adam qatysqan. Shamamen 500-ge jýyq qazaqstandyq Keńes odaǵynyń Batyrlary atandy. Al, 630 myń adam is-tússiz joǵalyp, qaıtyp oralǵan. Resmı derekterge súıensek qazir elimizde 2067 soǵys ardageri bar.

Aıta keterlik jáıt, Eńbek jáne halyqty áleýmettik qorǵaý mınıstrliginiń bergen aqparatyna sáıkes Jeńis kúni qarsańynda soǵys ardagerlerine, múgedekter men oǵan teńestirilgen tulǵalarǵa 2,7 mıllıard teńge kóleminde bir jolǵy aqshalaı tólemder qarastyrylǵan.