Almatyda qazaq qyzyn tórt jyl seks-quldyqta ustaǵandar qamaýǵa alyndy, dep habarlaıdy Qamshy.kz aqparat agenttigi Almaty İİD departamentiniń baspasóz qyzmetine silteme jasap.

Vedomstvonyń málimetinshe, 6 mamyrda saǵat shamamen 18.00-de Almaty qalasyndaǵy Súıinbaı dańǵylynda avtokólik 1989 jyly týǵan N. degen azamatshany qaǵyp ketken, keıin ol bireýlerdiń ony zańsyz ustap, jezókshelikpen aınalysýǵa májbúrlegenderin aıtty.

"N. degen azamatshanyń aryzy sotqa deıingi tergeýdiń biryńǵaı reestrine QR QK 308-baby boıynsha tirkeldi. Kúdiktiler ustalyp, İİD-ge jetkizildi. Qazirgi tańda Almaty İİD QTQB qyzmetkerleri oqıǵanyń naqty mán-jaıy men berilgen málimetterdiń rastyǵyn anyqtaý úshin jedel ári tergeýdiń keshendi sharalaryn júrgizip jatyr", - delingen habarlamada.

Sonymen qatar N. degen azamatshanyń 2009 jyldan beri jezókshelikpen aınalysqan tulǵa retinde uıymdasqan qylmyspen kúres basqarmasynyń qylmystyq esebinde turǵany anyqtaldy. Sondaı-aq, onyń jezókshelikpen aınalysatyndardy jáne olarǵa qyzmet etetin prıtondar men oryndardy anyqtap, joıý maqsatynda júrgizilgen jedel-profılaktıkalyq sharalar men reıdterdiń nátıjesinde ishki ister organdaryna jetkizilgeni belgili boldy.