KHDR kósemi Kım Chen Yn AQSH prezıdenti Donald Tramptyń ótinishine baılanysty, elde ustalǵan úsh amerıkalyq azamatty bosatýǵa ruqsat bergen dep habarlaıdy RIA NOVOSTI.

Koreıanyń Ortalyq telegraftyq agenttiginiń máletinshe, KHDR lıderi AQSH prezıdentiniń ustalǵan amerıkalyqtardy bosatý jaıyndaǵy resmı habarlamasyna sáıkes, olardy bosatyp, eline qaıtarýǵa sheshim qabyldaǵan.

AQSH memlekettik hatshysy Maık Pompeo KHDR-ǵa sapary barysynda Kım Chen Ynǵa Tramptan "aýyzsha habarlama" jetkizgen. KHDR lıderi óz kezeginde AQSH prezıdentiniń máseleni dıalog arqyly jetkizýin joǵary baǵalaǵan.

Pompeo saparynyń sońynda Soltústik Koreıada qamaýda bolǵan AQSH azamattaryn alyp ketken. 

Aıta keteıik, AQSH prezıdenti soltústikkoreıalyq lıdermen mamyr nemese maýsym aıynda kezdesedi.