Shymkentte belsendiler 21 mamyr kúni jer zańyna qatysty mıtıń ótkizýdi surap, qala ákiminiń atyna hat tapsyrdy, dep habarlaıdy Qamshy.kz aqparat agenttigi Azattyqqa silteme jasap.

«Qadyrmendi qarıalar» qoǵamdyq  birlestiginiń tóraǵasy Sharýa Pirmattyń Azattyqqa aıtýynsha, belsendiler hatta halyqtyń «Qazaqstan jeri eshkimge satylmasyn, sheteldikterge jalǵa da berilmesin» degen talaby oryndalmaǵandyqtan talap-tilegin taǵy da bildirý úshin mıtıń ótkizýge ruqsat suraıdy. Belsendiler mıtıńini úsh jerde — Abaı saıabaǵynyń «Dańq» memorıalyndaǵy alań, Abaı aýdanyndaǵy «Metalýrgter» saıabaǵy Báıdábek bı aýdanyndaǵy «Naýryz» alańdarynyń birinde ótkizýdi surap otyr.

Qazaqstan zańy boıynsha, azamattar beıbit jıyn ótkizý úshin jergilikti bılikten ruqsat alýy tıis. Belsendiler jergilikti bılikten jer zańy jáne basqa da máseleler boıynsha beıbit aksıa nemese jıyn ótkizýge jıi ruqsat suraǵanymen, kóp jaǵdaıda ákimdik aksıa, pıketke ruqsat berýden túrli sebepti alǵa tartyp, bas tartady.