Qazaqstandyq ánshi Móldir Áýelbekova men jas oryndaýshy Raıym Ýaıys Mádenıet jáne sport mınıstri Arystanbek Muhamedıulynyń bastaǵan «Street Workout KZ» aksıasyna qatysyp, týrnıkter men kóshe alańdarynda óz kúshterin kórsetip atalmysh estafetany Almaty qalasynyń ákimi Baýyrjan Baıbekke joldady.
Qazaqstandaǵy buqaralyq sportty dáripteý úshin otandyq juldyzdar jattyǵý alańdarynda óz kúshterin kórsetip, halyqty sportqa shaqyrdy.
Olar týrnıkte tartylyp boı túzep, kóshe alańdarynda ornalasqan túrli jattyǵý qurylǵylarynda óz kúshterin kórsetti.
«Men balamdy bosanǵan soń, fıtnespen belsendi túrde jattyǵa bastadym. Sebebi ózimdi aýyr sezindim, artyq salmaqty baıqadym. Jastar, kóshedegi sport alańdaryna baryńyzdar! Qazirgi tańda kez kelgen turǵyn úı keshininiń aldynda ornalasqan týrnıkter men túrli jattyǵý alańdary deneni ádemi qalypqa keltirip, ózimizdi sergek sezinýge kómektesedi », - deıdi Móldir Áýelbekova.
Raıym Ýaıys úshin bul baıqaý esh qıyndyq týdyrmaǵan, sebebi ózin fızıkalyq turǵyda jaqsy sezinedi, ári únemi sport zalynda jattyǵady eken.
Qazaqstandyq estrada ánshileri buqaralyq sportty nasıhattap, atalmysh jobany Almaty qalasynyń ákimi Baýyrjan Baıbekke joldady.
«Biz joldamany Almaty qalasynyń ákimi Baýyrjan Baıbekke, «Qazaq radıolary» JSHS-niń dırektory Mádı Manatbekke jáne sahnada birge júrgen áriptesterimiz Talǵat Jorabaev pen Ermek Muqashevke joldaımyz», - dedi Móldir Áýelbekova men Raıym Ýaıys.
Esterińizge sala keteıik, barlyq qazaqstandyqtarǵa joldanǵan «Street Workout KZ» baıqaýynyń eki jeńimpazy bolady.
Youtube-daǵy eń kóp unatylǵan vıdeo-jazba jeńimpazy ózi qalaǵan Qazaqstannyń kez kelgen eldi mekeniniń birinen óz atymen eń zamanaýı sport alańyn syılyq retinde alady.
Al, ekinshi júlde, ıaǵnı 500 myń teńge ádilqazylardyń qazylyǵymen qatysýshylar iriktelip,eń myqty qatysýshyǵa tabystalady.
Aıta keteıik, Mádenıet jáne sport mınıstri Arystanbek Muhamedıuly Challenge Street Workout KZ baıqaýyn bastap, Olımpıada chempıony Serik Sapıev, ánshi Qaırat Nurtas jáne akter Ádil Ahmetovke joldaǵan bolatyn.
Atalmysh baıqaýǵa tanymal sportshylarda qatysty, olar Bahtıar Artaev, İlıas Súleımenov, Denıs Ten, Galıb Djafarov, Arman Chılmanov, Jaqsylyq Úshkempirov, Igor Melnıchenko syndy sportshylar.
Endi bul baıqaý qazaqstandyq estrada juldyzdarynyń qatysýymen tolyǵyp, sondaı-aq memlekettik qyzmetkerlerdi oǵan qosylýǵa shaqyrdy, aıta keteıik, Mańǵystaý oblysynyń ákimi Tanajanov Eraly da atalmysh baıqaýǵa qatysyp otyr.
Baıqaý jaıly tolyq málimetti street-workout.kz. saıtynan bilýge bolady.
