Demalys kúnderi naızaǵaı men jańbyr kútiledi, dep habarlaıdy Qamshy.kz aqparat agenttigi Qazgıdromet RMK resmı saıtyna silteme jasap.
"Mamyrdaǵy shýaqty jáne jyly kúnder zamatta jaýyn-shashyndy jáne sýyq kúnderge aýysady. Aldaǵy demalys kúnderi Qazaqstannyń kóptegen oblystarynda atmosferalyq fronttardyń ótýine baılanysty jańbyrly, naızaǵaıly, bultty aýa-raıy kútiledi", - delingen habarlamada.
Sınoptıkterdiń málimetinshe, Respýblıkanyń ońtústigi men ońtústik-shyǵysynda ystyq aýa-raıynan keıin, sondaı-aq jańbyr, keı jerlerde kúshti ekpindi jel soǵyp, naızaǵaı kútiledi. Aýa temperatýrasy tómendeıdi, biraq klımattyq norma sheginde bolady, al soltústik, ortalyq jáne shyǵys oblystardyń keı jerlerinde 2 gradýsqa deıin qatqaq saqtalady.
