Máskeýde qapyda qaza tapqan qazaqstandyq stýdenttiń anasy Janna Ahmetova qyzy Tomırıs Baısafadan aıyrylyp qalǵannan keıingi ómirin aıtyp berdi. Qyzynyń endigi joqtyǵyna kóne almaı júrgen ananyń jazbasy jeli qoldanýshylarynyń kóńilin bosatty.
«Ómirim «ótken» jáne «bolashaq» bolyp ekige bólindi. Búgin bul sumdyqtyń eshqashan bitpesin túsindim. Ár tań uıqymnan oıanamyn, biraq eshteńe ózgerer emes. Muny ózimniń tek búginim dep túsinemin. Meniń únsizdigimdi árkim ózinshe baǵamdap alǵan. Tomırısimniń kimmen kezdeskenin sóz qylyp, meni daǵystandyqtardan aqsha alyp otyr deıdi. Esterińdi jıyńdar. Mundaı sumdyqty bastaryńa bermesin. Tergeý isiniń mán-jaıyn jaqyn ýaqytta bólisetin bolamyn, dostar», - dep jazdy Janna Ahmetova óziniń Instagram jelisindegi paraqshasyna.
Esterińizge sala keteıik, 21 jastaǵy Tomırıs Baısafa 2018 jyldyń 13 sáýirinde Máskeýdegi oqý ordasynyń terezesinen qulap ketedi. Kýágerler ony ózge bireýdiń ıterip jibergenine senimdi. Ázirge bar kúdik Tomırıstiń jaqyn aralasqan daǵystandyq dosyna túsip tur. Kýágerlerdiń aıtýynsha, qaıǵyly oqıǵa aldynda qyz ben jigit sózge kelip qalǵan.
Al 3 mamyrda qazaqstandyq stýdent aýrýhanada kóz jumdy.