Iran prezıdenti Hasan Roýhanı musylman elderin Izraılmen qarym-qatynasyn úzip, AQSH-pen saýda-ekonomıkalyq baılanysty qaıta qaraýǵa shaqyrǵan. Roýhanı bul sheshimin Vashıngton osy aptada Izraıldegi elshiligin Ierýsalımge kóshirgennen keıin qabyldaǵan.
18 mamyrda Ystambulda ótken musylman elderi samıtinde Roýhanı AQSH prezıdenti Donald Tramptyń ákimshiligin álemge tóngen «úlken qater» dep ataǵan. Budan buryn Tramp Vashıngtonnyń 2015 jyly jasalǵan ıadrolyq kelisimnen shyǵatynyn málimdegen.
«Musylman elderine Vashıngtonmen saıası jáne ekonomıkalyq baılanystaryn qaıta qaraýdy oılastyrý kerek. Izraılmen qarym-qatynasty úzip, saýda jasaýǵa baıkot jarıalaýǵa shaqyramyn»,- dedi Iran prezıdenti óz úndeýinde.
