Keshe Astana qalasy ákiminiń orynbasary Ermek Amanshaev bastaǵan delegasıa músheleri oblystaǵy birqatar óndiris oryndaryn aralap, kásiporyndardyń tynys-tirshiligimen tanysty. Óńirimizdegi Astana kúnderi aıasynda ótkizilgen pres týrda elordalyq qonaqtardy oblys ákiminiń birinshi orynbasary Igor Steksov bastap júrdi.

Delegasıa aldymen Oral qalasyn­daǵy «Steklo-Servıs» JSHS-da boldy. Aıta ke­teıik, shyny óńdeýge jáne jo­ǵa­ry sapaly áınek paketterin ón­ dirýge mamandanǵan «Steklo-Servıs» JSHS óńirdegi iri óndi­ris oshaǵy bolyp sanalady. 1999 jyldan bergi ýaqyt ishinde sha­ǵyn sheberhanadan iri áınek óń­deýshi ortalyqqa aınalǵan bul kásip­oryn búginde qurylys kom­panıa­lary men kásiporyndary arasyn­da aıtarlyqtaı bedelge ıe. Sonymen qatar kompanıa úde­meli ındýstrıaldy-ınnovasıa­lyq baǵdarlama sheńberinde «Termo myqtylyǵy kúsheıtilgen áınek ón­dirisi» jobasyn iske asyrýda. Búginde kompanıa fındik «TamGlass» fırmasynyń qural-jab­ dy­ǵyn ornatyp, shydamdylyǵy myqty áınek óndiredi. 700 gra­dýs shamasyndaǵy ottyń qyzýyna shyńdalǵan áınek ádettegi qa­lypty jaǵdaıynan 5-7 esege myq­ty bolady. Ári qurylysqa paıdala- nylatyn mundaı áınek synǵan kezde de qaýipsiz, ıaǵnı ótkir bol- maıdy, túıirshik túrinde ydyraı- dy. Sondaı-aq seriktestikte ja­ryq dıodty kópqabatty, float, ter­mooqshaýlaǵysh jáne ózge de áınek túrleri óndiriledi. Budan soń astanalyq delega­sıa «Oral saýda-ónerkásip kom- panıasy» JSHS-nyń jumysymen ta­nysty. Atalǵan seriktestiktiń jo­ ǵary óndiristik áleýeti bar, zaman kóshine ilese alatyn kásiporyn retinde tanylǵanyna 15 jyldan astam ýaqyt ótti. Qazirgi ýaqytta kompanıa jaıma tabaq, metal jabyn, metal qurastyrma, po­lıetılen qubyrlary, plasmassa­ dan halyq tutynatyn taýar túr­­le­ ri, qabyrǵalyq sendvıch-panel, tehnıka qaýipsizdigi boıyn­sha já­ne jol belgileri óndirisine ma­ mandanyp aldy. Elordalyq qonaqtar oraldyq «Batys-Prodýkt» seriktestiginde de boldy. Búginde bul kásiporyn kondıter ónimderin ishki naryq qana emes, sonymen birge Reseı- ge de shyǵaryp otyr. Bul týraly kásiporynnyń qarjylyq dırek- tory Evgenıı Popkov málim etti. Onyń aıtýynsha, basty maqsat – qazaqstandyq tutynýshylardy sapaly ónimmen qamtyp, ımport­ tyq kólemdi tómendetý. Bul rette memleket tarapynan kórsetilgen qoldaý-kómek óndiristi jańǵyr­tý­ǵa septigin tıgizdi. – Bul kásiporynnyń iske qo­sylǵanyna jeti jyldaı ýaqyt boldy. Osy ýaqyt ishinde kásip­ oryn­nyń óndiris aýqymy ósip, se­riktestik aıasy keńeıdi. Sońǵy jyl­dary zamanaýı, jańa quraljabdyqtar qoıylyp, solardyń tilin meńgergen jas mamandar jumysqa alyndy. Búgingi tańda ónimderimiz óz oblysymyzdan óz­ge elimizdiń Semeı, Óskemen qa­ lalaryna, Reseı eliniń Sama- ra, Toláttı, Chelábınsk, Qazan, Nıjnıı Novgorod shaharlaryna jóneltiledi. Kásiporyn táýligi­ ne 2,5 tonna tátti toqashtar men vaflı óndirýge qaýqarly. Biz óz ónimimizdiń sapasyna kóp kóńil bó­lemiz. Sondyqtan da bizdiń ta­ ýarymyzǵa degen suranys mol, – deıdi Evgenıı Popkov. Sondaı-aq astanalyq delegasıa óńirdegi «Agran» JSHS, «Jelaev nan ónimderi kombınaty» AQ syndy taǵy basqa iri óndiris oryndaryn aralap kórdi.

– Biz Astana qalasynyń 20 jyl­dyǵyna oraı sársenbide Batys Qazaqstan oblysyna keldik. Mereke aıasynda uıymdastyrylǵan birqatar sharalardyń kýási bolýdamyz. Bul jumys sapary­myz­ dyń basty maqsaty 20 jyl ýa­qyttyń ishindegi Astananyń jetken jetistikterin pash etip, basqa óńirlerdegi atqarylǵan ıgi is­ter­di kórip, tájirıbe almasý bolatyn. Búgin Oral qalasyndaǵy birqatar óndiris oryndaryn ara­ladyq. Ózime shyny óndirisi, plas­ tıkalyq qubyrlar óndirisi óte qat­ty unady. Bolashaqta Astana men Batys Qazaqstan arasyndaǵy áriptestik qarym-qatynas odan sa­ıyn nyǵaıyp, qoıan-qoltyq ju­mys jasaıtyn bolamyz, – dedi Astana qalalyq ınvestısıalar já­ne damý basqarmasy basshysy­nyń orynbasary Erlan Bekmyrzaev.