Shardara aýdanynda «Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» jumyssyzdyqty joıýda oń nátıje berýde. Bul jaıynda Qamshy.kz aqparat agenttigi OQO ákimdiginiń baspasóz qyzmetine silteme jasap habarlaıdy.

Baǵdarlamany iske asyrý maqsatynda ótken jyly 2952 adam qatystyryldy. Onyń ishinde 984 jumyssyz bolsa, 1234-i ózin-ózi jumyspen qamtyǵandar, al 734 jumys izdeýshiler. Jalpy baǵdarlamaǵa qatysýshylardyń 32 paıyzy tabysy az azamattar.

Al 2018 jyldyń 1 mamyryna atalǵan baǵdarlamaǵa 958 adam qatystyrylsa, jyl sońyna deıin 2794 adamdy qatystyrý josparlanǵan.

Sonymen birge aýdanda «Órleý» jobasy da sátti iske asyrylyp keledi. Byltyrǵy jyly osynaý joba aıasynda 4275 azamatqa nemese 687 otbasyǵa 217 mln. teńge kóleminde qarjy tólendi. Jyl basynan beri memlekettik ataýly áleýmettik kómek taǵaıyndaý boıynsha 1450 otbasymen áńgimelesý júrgizilip, onyń ishinde 38 otbasyǵa 4 457,0 myń teńgege shartsyz aqshalaı kómek, 226 otbasyǵa 43,3 mln. teńge shartty aqshalaı kómek, barlyǵy 264 otbasyǵa 47,8 mln. teńge ataýly áleýmettik kómek taǵaıyndaldy.