Syrdarıanyń sol jaǵalaýynda burynǵy Qazaq Ortalyq Atqarý komıteti ǵımaratynyń syzbasy boıynsha qurylysy qaıta salyndy, bul týraly Qyzylorda oblysynyń ákimi Qyrymbek Kósherbaev Ortalyq komýnıkasıalar qyzmetinde «Rýhanı jańǵyrý» baǵdarlamasynyń aımaqta oryndalý barysy týraly ótken baspasóz konferensıasynda málimdedi.

Ǵımarat ishinde Rýhanı jańǵyrý ortalyǵy men murajaı ornalasatyn bolady. Nysannyń qurylysy tolyq aıaqtaldy, jaqyn kúnde  ortalyq paıdalanýǵa beriletin bolady.

«Syrdarıanyń sol jaǵalaýynda burynǵy Qazaq Ortalyq Atqarý komıteti ǵımaratynyń syzbasy boıynsha rýhanı jańǵyrý ortalyǵynyń qurylysy qaıta salyndy. Onda 1925 jyly etnosty «Qazaqtar» dep ataý týraly tarıhı sheshim qabyldanǵan bolatyn. Jańa ǵımaratta rýhanı jańǵyrý ortalyǵy men murajaı ornalastyrylady», - dedi aımaq basshysy.

Odan bólek, Syrdarıanyń sol jaǵalaýynda Jastar resýrstyq ortalyǵynyń qurylysy júrgizilip jatyr. Atap óteıik, búginde oblysta aýyldyq jerdegi jastarmen jumys isteıtin 9 jastar resýrstyq ortalyq jumys isteıdi. Máselen, ortalyqtarda shet tilderi men sheshendik sheberlik kýrstary uıymdastyrylǵan.