Astanadaǵy daýyldan kelgen shyǵyn kólemi 200 mıllıon teńgeni qurady - dep habarlaıdy  Tengrinews.kz . 

Brıfıń kezinde Astana qalasy TJD Tótenshe jaǵdaıdy eskertý bóliminiń basshysy Erkin Otarǵalymuly daýyldan kelgen shyǵyn áli de eseptelip jatqanyn, degenmen aldyn ala esep jasalǵanyn málimdedi. 

"Shyǵyn eseptelip jatyr, áli aıaqtalǵan joq. (...) Keshe zardapty joıý shtabynyń jedel keńesi ótti, tapsyrmalar berilip, barlyq aqparat óńdeldi. Búlingen jerlerdi qalypqa keltirý úshin shamamen 235 mıllıon teńge qajet", - deıdi ol. 

Eske salaıyq, 22 mamyrda Astanada jaýyn bastalyp, artynan qatty daýyl bolyp, burshaq jaýǵan. Qala turǵyndary barlyǵyn vıdeoǵa túsirip, áleýmettik jelilerge júktegen.  "Qazgıdromet" RMK málimetinshe, 22 mamyrda elorda aýmaǵynda jel jyldamdyǵy sekýndyna 25 metr bolǵan. Al daýyl saldarynan 13 adamnyń zardap shekkeni habarlandy.  Al  "112" jedel qyzmetine túrli sıpattaǵy qońyraýlar shalynǵan: krannyń qulaǵanytýraly, shatyr, qorshaý, úı, mektep, balabaqsha men ózge de ǵımarattardyń syrtynyń qaptamalary ushqany jaıynda. Sonymen qatar, túrli zattardyń qulaýynan 16 kólik búlingeni de habarlanǵan.