AQSH prezıdenti ákimshiligi eger pikirtalas ózge baǵytta órbise, kezdesý úzilip qalýy múmkin ekenin eskertip otyr. AQSH memlekettik hatshysy Maık Pompeo Soltústik Koreıamen "sátsiz mámilege" jol berilmeıtinin aıtty. Phenán da óz kezeginde amerıka-ońtústikkoreıalyq áskerı-áýe jattyǵýyna bola, kezdesýden bas tartýy múmkin ekenin málimdedi.
Sonymen birge birqatar álemdik BAQ-tyń habarlaýynsha, Kım Chen Yn Sıngapýrge Tramppen kezdesýge barǵan kezde, elinde áskerı tóńkeris bolyp qalýy múmkin dep qaýiptenedi. The Washington Post gazeti derekkóziniń málimetinshe, KHDR ókilderi Kım Chen Yn ushaǵy keri qaıtýy úshin jetkilikti deńgeıde janarmaı bolýy qajettigin talap etip jatyr.
Tramp pen Kım Chen Yn kezdesýi 12 maýsymǵa josparlanǵan. Osyǵan deıin AQSH-tyń birde-bir prezıdenti Soltústik Koreıa lıderimen kezdesken emes.
Pikir qaldyrý