«Semeı ormany» memlekettik tabıǵı rezervatynda tutanǵan órt tolyq sóndirildi. Alaıda tilsiz jaýmen kúres jumystary áli de jalǵasyp jatyr. Al qalalyq Tótenshe jaǵdaılar basqarmasynyń anyqtaýshylary bul is boıynsha materıaldardy İshki ister basqarmasyna ótkizgen dep jazady 24.kz-ke silteme berip Qamshy.kz aqparat agenttigi.

Órt qoıǵandar izdestirilip jatyr. Orman órtin óshirýdiń ózindik qıyndyqtary bar. Jerdegi jalynnyń álegi basqa. Tilsiz jaý bıik qaraǵaıdyń basyna shyǵyp alǵannan keıin ondaǵy búrshikter jan-jaqqa jarylǵysh zat sıaqty ushqyn tastap otyrady. Tipti onyń jyldamdyǵy saǵatyna 40-50 shaqyrymǵa deıin jetedi eken.

Sońǵy aqparattar boıynsha, 260 gektardan astam alqapty qyzyl jalyn jalmaǵan. Tilsiz jaýmen kúreske 70-ten astam tehnıka, 300-den astam adam jumyldyrylypty. Keshe tańerteń jaýǵan jańbyr da qyzyl jalynnyń betin qaıtarýǵa sep bolǵan. Ormanda órt aýyzdyqtalǵanmen, áli de shoq sóndirý jumystary kúsheıtilipti.  Bul órttiń shyǵý sebepterimen polıseıler aınalysyp jatyr.