Hatta Soltústik Koreıa tarapynan jasalǵan sońǵy "yza men ashyq óshpendilikke negizdelgen" málimdeme qazirgi kezde uzaq kúttirgen kezdesýdi orynsyz etedi delingen.
"Hatta Sıngapýr samıti bolmaıtynyn habarlaımyn. Bul eki eldiń ıgiligi úshin bolǵanmen, álemge zıany tıip otyr", - dep atap ótedi AQSH prezıdenti.
Kım Chen Ynǵa qarata aıtqan sózinde Tramp Soltústik Koreıanyń ıadrolyq múmkindikteri jaıynda "Amerıkanyń múmkindigi odan da zor, kúshti, biraq men bul múmkindikterdiń eshqashan qoldanylmaǵanyn Qudaıdan tileımin" deıdi.
AQSH prezıdenti aldaǵy ýaqytta bul samıttiń basqa joly ótetinin joqqa shyǵarmaıdy.
"Eger siz joǵary deńgeıdegi mańyzdy kezdesýge qatysty pikirińiz ben kózqarasyńyzdy ózgertetin bolsańyz, kúmán bildirmeı maǵan habarlasyńyz nemese hat jazyńyz", – deıdi Tramp.
