QR Ortalyq mýzeıinde 13 jyldan beri 21 ǵylymı-qoldanbaly joba júzege asyrylyp keledi. Bul týraly Almaty qalasy Óńirlik komýnıkasıalar qyzmetinde ótken brıfıńte Qazaqstan Respýblıkasy Memlekettik ortalyq mýzeıi dırektorynyń orynbasary Ǵalıa Temirton aıtty.

Ǵalıa Temirton 13 jyldan beri QR MOM 21 ǵylymı-qoldanbaly jobany júzege asyrǵan aıtty. Onyń 15-i «Mádenı mura» jobasy aıasynda QR BǴM Memlekettik ǵylymı-tehnıkalyq saraptamasy nátıjesinde joǵary baǵalanǵan. 

«2017 jyldan bastap mýzeıdiń ǵylymı ortalyqtary 2017-2019 jyldarǵa arnalǵan tórt ǵylymı-qoldanbaly joba boıynsha jumys atqarýda. Olar - «Qazaqtyń dástúrli óneri tarıhı-etnografıalyq derek kózderi retinde. Monografıa-katalog», «Ábilhan Qasteevtiń akvarelderi tarıhı-etnografıalyq derek kózderi retinde» (Qazaqstan mýzeıleri qorlarynyń materıaldary boıynsha)», «Ortaǵasyrlyq Qazaqstan (VI-XV ǵǵ.) Qazaqstan Respýblıkasy Memlekettik Ortalyq mýzeıiniń arheologıalyq koleksıasy. Ǵylymı katalog», «Qazaqstandaǵy tyń jáne tyńaıǵan jerlerdi ıgerý: áleýmettik-ekonomıkalyq, demografıalyq jáne ulttyq-etnıkalyq aspektileri»,- dedi Ǵalıa Temirton.

Sonymen qatar, 2017 jyly Qazaqstan mýzeıleri qorlarynyń materıaldary boıynsha Ábilhan Qasteevtiń baı murasyn zertteý qolǵa alyndy.

Mýzeıde «Ábilhan Qasteev akvarelderi tarıhı-etnografıalyq derek kózderi retinde. Ǵylymı katalog» ǵylymı-qoldanbaly joba júzege asyp keledi.

«QR Memlekettik Ortalyq mýzeı qoryndaǵy Á. Qasteevtiń jeke kesheni júıelenip, taldanyp, sýretshiniń 130 akvarel shyǵarmasynyń 35-i kameraldyq óńdeýden  ótip, atrıbýsıalandy» - dedi Ǵ.Temirton.

Aıta ketý kerek, QR Ortalyq mýzeıine 2017 jyly 4000-nan astam adam kelgen.