Almatyda 18 mamyrda mýzeıge kelýshilerdiń qyzyǵýshylyǵyn arttyrý maqsatynda «Mýzeı túni» ótedi.

Tanymdyq shara 6 mýzeıde: Almaty mýzeıi, D.A. Qonaev mýzeıi, N.Tilendıevtiń memorıaldyq mýzeıi, S.Muqanov pen Ǵ.Músirepovtyń ádebı-memorıaldyq mýzeı kesheni, Yqylas atyndaǵy halyq mýzykalyq aspaptar mýzeıi jáne Mýltımedıalyq dástúrli mýzyka ortalyǵynda ótedi.

Munda kórmeler, sheberlik sabaqtary, kvest, baıqaýlar, konserttik baǵdarlamalar, teatrlandyrylǵan qoıylymdar kiretin arnaıy mádenı-tanymdyq sharalar uıymdastyrylady. Sonymen qatar, kelýshiler nazaryna «Jandy mýzeı» ekspozısıalary usynylady. Mýzeı túninde kelýshiler tarıhı oqıǵalardy, sol dáýirdiń kıimderi men turmys tirshiligi, dıirmen tartý, keli túıý, balany besikke salý dástúrlerin ınteraktıvti formatta kóre alady.