Almatyda ótken Qazaqstannyń eń iri medısınalyq kórmesi - KIHE 2018 aıasynda 300-ge jýyq sońǵy úlgidegi tehnıkalar tanystyryldy.

Almatyda medısına jáne farmasevtıka ındýstrıasy mamandarynyń qatysýymen ótetin dástúrli kórme 2 kúnge sozylady. Munda zamanaýı múmkindikterge ıe dıagnostıkalyq jáne emdeý  tehnologıalary tanystyrylady.

Kórmege elektrondy medısınalyq jabdyqtar men medısınalyq tehnologıalar, zerthanalyq quraldar, optıka jáne oftalmologıa, qutqarý jabdyqtary men jedel-járdem quraldary, ortopedıa jáne ońaltý, aýrýhanalar men sanatorıılerge, farmakologıaǵa arnalǵan 300-ge jýyq jabdyqtar qoıylǵan.

Sondaı-aq, KT men MRT apparatany aýystyra alatyn zamanaýı ÝDZ jabdyǵy tanystyryldy.

Adamnyń búkil aǵzasyn - kóz, mı, tamyr ishki organdardyń barlyǵyn zertteýge múmkindik beredi.

Kópshiliktiń nazaryn Koreıada jasalǵan lor kombaıny aýdardy. Bul Lor dárigeriniń jumysyn jeńildetetin birden-bir apparat. Qulaq , muryn, tamaq aýrýlarynyń dıagnostıkasyn jasaýda ári emdeýde óte qajetti aparat.

Lor kombaınnyń kómegimen  Fızıoterapevtıkalyq modýlmen  emdeý jumystaryn júrgizýge bolady. Munyń kómegimen muryn qýysy, qulaq joldaryn tazalaýǵa bolady.

Otandyq ónim bolyp sanalatyn tósek travmotologıalyq jaraqattardy emdeýge arnalǵan. Bul tósektiń naýqas úshin tıimdiligi sol, onyń otyrýyna jaǵdaı jasaı alatyn arqa bóligi men tizesin búgýge qolaıly tómengi tusy ıilgish keledi.

Shala týylǵan nárestelerge arnalǵan ınkýbator sábıdi óz anasynyń qursaǵyndaǵydaı atmosferaǵa bóleı alady. Elimizdiń kóptegen perınatologıalyq ortalyqtarynda kezdesetin bul apparat kópshilik tarapynan maqtaýǵa ıe bolǵan.

Aıta keteıik, kórmege álemniń 17 elinen 170 kompanıa qatysty. Olar Ulybrıtanıa, Germanıa, Úndistan, Iordanıa, Qazaqstan, Qytaı, Koreıa, Latvıa,  Polsha, Reseı, Taıland, Túrkıa, Ózbekstan, Ýkraına, Fransıa jáne Chehıa elderiniń tanymal óndirýshileri bolyp tabylady.