Almatyda kolej stýdentteri Jeńis kúnine oraı ardagerler aldynda soǵys týraly ánderdi shyrqap, sap túzep ótti. Bul jaıynda qalalyq İİD baspasóz qyzmetimálimdedi.
«Dınamo» stadıonynda ótken saltanatty sharaǵa maıdangerler, ıntenasıonalıst jaýyngerler, tyl ardagerleri shaqyryldy.
«Negizinen kolejdiń 1-2 kýrs stýdentteri qatysty. Olar tek qana sapqa turý tártibin ǵana kórsetpeı, sol zamandaǵy kıim úlgilerin de pash etti. Bul kıimderdi Almaty sán jáne dızaın kolejiniń stýdentteri jańǵyrtty. Atalǵan shara jastar arasynda patrıottyq sezimdi oıatýǵa, sarbazdardyń rýhyn eske alýǵa, jeńis jolynda janyn qurban etken azamattardyń rýhyna taǵzym etýge baǵyttalǵan», - dedi qalalyq İİD jergilikti polısıa qyzmetiniń jasóspirimder isi boıynsha bóliminiń basshysy Leıla Álipbaeva.
Memlekettik Ánuran oryndalyp bolǵan soń qatysýshylar sap túzegen kúıi birneshe áskerı ánderdi shyrqady.
Kelgen ardagerler jastarǵa batasyn berdi.
