Birer kún buryn Facebook áleýmettik jelisinde Veronıka Shıshova esimdi qoldanýshy qazaqtardyń ar-namysyna tıetin pikir jazdy degen skrınshot tarady. "Orystarsyz kúnderiń qarań" degen onyń sózi qatty talqylanyp jatyr.
«Orystarsyz kúnderiń qarań. Ózderińniń kıiz úılerińnen shyǵa sala qınalatyn bolasyńdar. Bul senderdiń taǵdyrlaryń. Dál sender sekildiler úshin orystar munda qalmady. Nege ekenin oryssha jazasyńdar taǵy. Qyzyq. Al ana tilderińdi durys bilmeısińder de. Sender sekildi...» dep jazǵan Veronıka Shıshova.
Esterińizge sala keteıik, buǵan deıin Facebook áleýmettik jelisinde Adılám Ýshýrova men Vladımır Vojjov ta jelide qazaqtarǵa, qazaq qyzdaryna til tıgizgen bolatyn. Ekeýi de qazaqtardan keshirim surap, jazbany basqa bireý jazdy dep aqtalǵan bolatyn.
