Almaty qalasynda Jeńis kúni merekesine oraı sporttyq jáne jaýyngerlik sambodan ashyq birinshilik ótedi.

Sambodan Almaty qalasynyń bas bapkeri Baýyrjan Sadyhanov málim etkendeı atalǵan doda Jeńis kúni merekesine oraı uıymdastyrylyp otyr. Oǵan Qazaqstan sportshylarynan bólek, Tájikstan, Ózbekstan, Reseı jáne Belarýs samboshylary da qatysady. Jarys 5-6 mamyr kúnderi Almatydaǵy «Dostyq» sport kesheninde ótedi. Qazaq eliniń namysyn talaı synda ysylǵan  sportshylar qorǵaıdy. Atap aıtar bolsaq jaýyngerlik sambodan álemniń eki dúrkin qola júldegeri Nurgeldi Qıalbekov pen jaqynda ǵana el birinshiliginde kózge túsken Batyr Muqataev bar. Sondaı-aq, Mıras Baýberikov, Samat Saǵatbekov, Tólenbaı Qasymhan jáne Nıetbaı Dáýlet syndy samboshylar bar.