Qazaqstan Úkimeti 2018 - 2022 jyldarǵa arnalǵan sheteldegi etnıkalyq qazaqtardy qoldaý boıynsha júrgiziletin sharalardyń josparyn bekitti, dep habarlaıdy Qamshy.kz aqparat agenttigi tengrinews.kz-ke silteme jasap.
Jospar V Dúnıejúzi qazaqtar quryltaıynda QR Prezıdenti Nursultan Nazarbaevtyń tapsyrmasyn júzege asyrý maqsatynda bekitildi.
Jospar boıynsha, qazaq dıasporasyna Qazaqstandaǵy oqý oryndarynda bilim alý baǵdarlamasy ázirlenedi, sheteldegi qazaq mektepteri men qazaq mádenı ortalyqtaryn oqýlyqtarmen, gýmanıtarly saladaǵy oqý-ádistemelik járdemaqymen qamtamasyz etiledi jáne shetelde qazaq mádenı ortalyqtary ashylady. Sonymen qatar, shetelde tanymal qazaqtar týraly "Alystaǵy aǵaıyn" fılminiń sıkly jasalady. Etnıkalyq qazaqtar úshin Qazaqstanda kásibin damytýǵa jaǵdaı jasaý máselesi qaralady.
Qujatpen myna jerde tanysa alasyz.
