Orta salmaqtaǵy WBC belbeýiniń ýaqytsha chempıony Djermall Charlo (27-0, 21 KO) The Ring basylymyna bergen suqbatynda osy salmaqtaǵy WBA (Super), IBO, WBC jáne IBF tujyrymdary boıynsha álem chempıony Gennadıı Golovkın Saýl "Kanelo" Alvarespen (49-1-2, 34 KO) qyrkúıek aıynda jekpe-jek ótkizýge kelise almasa, qazaqstandyqtyń ornyn basa alatynyn aıtty, dep jazady vesti.kz. 

Buǵan deıin meksıkalyq boksshynyń promoýteri Oskar De La Hoııa jekpe-jekti uıymdastyrý barysynda Golovkınniń komandasymen bir qıyndyqtardyń shyqqanyn aıtyp edi. Onyń aıtýynsha, Golovkın olar usynyp otyrǵan shart boıynsha judyryqtasqysy kelmeıdi eken. Sondyqtan De La Hoııa basqa qarsylas qarastyrýǵa daıyn. Olardyń qatarynda Charlo bar.

"Jaqsy bolar edi. Men "Kanelomen" kezdesýge daıynmyn. Eger bul usynys meniń komandamnyń kóńilinen shyqsa, biz kelisim beremiz. Qazirgi ýaqytta men daıynmyn. Meniń komandam mundaı jumystardy jaqsy atqara alady. Oskar menimen kezdesýdiń qarjylaı usynysyn kelissin. Barlyǵy sheshiledi dep úmittenemin", - deıdi Charlo. 

Óz kezeginde Golovkınniń promoýteri Tom Leffler bolsa "Kanelomen" kezdesýden bas tartpaǵanyn habarlady. Onyń aıtýynsha, Golvkın Golovkın ekinshi kezdesý úshin shamaly kóbirek aqsha alǵysy keledi eken. Sebebi, ol "Kanelony" uzaq kútip qalǵan. 

Eske salaıyq, 21 sáýir kúni Charlo ekinshi raýndta otandasy kishi Ýgo Sentenony (26-2, 14 KO) jeńip, Golovkınniń mindetti qarsylasy atandy. Kezdesýden Keıin Djermall otandasymyzdy jekpe-jekke shaqyrdy.