Almaty oqýshylary «Tulpar minip, tý alǵan» atty baıqaýda baq synaıdy.

Almatylyq oqýshylarda qazaq eposyn jatqa aıtyp, bir jarym mıllıon teńge utyp alý múmkindigi týdy. Elbasynyń «Rýhanı jańǵyrý» baǵdarlamasy aıasynda qolǵa alynǵan «Tulpar minip, tý alǵan» ádebı-tanymdyq sharasy qalamyzda alǵash ret uıymdastyrylmaq. Baıqaýǵa qatysýshylar «Alpamys batyr» jyryn jatqa aıtyp, onda kezdesetin kónergen sózderdi túsindirip, mektep baǵdalamasy negizinde ázirlengen suraqtarǵa jaýap berýleri tıis. Júldeniń jalpy qory 12 mıllıon teńgeni quraıdy. Al oqýshylardy daıyndaǵan muǵalimder Oksford qalasynda aǵylshyn tili kýrsynan ótýge joldama alady. Úmitkerler mamyr aıynyń 25-sine deıin ótinimderin berýleri tıis.

«Biz baıqaýǵa qatysyp, júldeli oryn alǵan oqýshylarǵa: birinshi orynǵa - 1,5 mıllıon teńge, ekinshi orynǵa - 1 mıllıon teńge, al úshinshi orynǵa 500 myń teńge bólip otyr. Sondaı-aq bul baıqaýdyń eń bir ereksheligi - baıqaýǵa oqýshylardy daıyndaǵan ustazdaryn da nazardan tys qaldyrǵan joqpyz», - dedi  Almaty qalasy İshki saıasat basqarmasy basshysynyń orynbasary Shegebek Qaýymbaev.

Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasyn júzege asyrý maqsatynda Almaty qalasyndaǵy mektep oqýshylary (6-10 synyp) arasynda «Tulpar minip, tý alǵan!» atty ádebı jáne tarıhı-tanymdyq baıqaýy ótedi.
Baıqaý 5-15 qyrkúıek aralyǵynda aýdandyq deńgeıde jáne 28 qyrkúıekte qalalyq deńgeıde (máre) uıymdastyrylady.
Baıqaýda qatysýshylar «Alpamys batyr» jyryn jatqa aıtyp, jyrda kezdesetin kónergen sózderdiń mán-mazmunyn túsindirip, mektep baǵdarlamasy boıynsha qazaq ádebıeti pániniń oqý baǵdarlamasy negizinde ázirlengen suraqtarǵa jaýap berýleri tıis.
Sharanyń basty maqsaty:
— balalar arasynda kitap oqýdy, onyń ishinde qazaq halqynyń batyrlyq epostaryn nasıhattaý;
— óskeleń urpaqtyń shyǵarmashylyq jáne zıatkerlik qabiletin damytýǵa jaǵdaı jasaý;
— balalardy halyq poezıasyna, qazaq halqynyń rýhanı asyl murasyna degen súıispenshilikke jáne patrıotızmge tárbıeleý, eldik pen erlik rýhyn, namysshyldyq, qaısarlyq qasıetterge baýlý;
-daryndy balalardy anyqtaý jáne olarǵa qoldaý jasaý, óz talanttaryn kórsetýge múmkindik berý;
Baıqaý jeńimpazdary aqshalaı syılyqtarmen marapattalady.
İ oryn (bireý) – 1 500 000 teńge;
İİ oryn (bireý) – 1 000 000 teńge;
İİİ oryn (bireý) – 500 000 teńge.
Al, osy jeńimpazdar men júldegerlerdi daıyndaǵan muǵalimderge Oksford qalasynda (Ulybrıtanıa) aǵylshyn tili kýrstarynan ótýge joldama beriledi.
İ oryn (bireý) – 3 aı;
İİ oryn (bireý) – 2 aı;
İİİ oryn (bireý) – 1 aı.