«Atakent» kesheninde kúsh qoldanylatyn sport túrlerinen «Sporttyq lıga» festı­vali ótti. Osymen úshinshi ret ótip jatqan jarys qalamyzdyń ıgi dástúrine aınalyp úlgerdi.  Jarystar sportty damytýǵa jáne qala turǵyndaryn jańa sporttyq baǵyt­tarmen tanystyrýǵa baǵyttalǵan. Festı­val  Almaty qalasy ákimdiginiń tikeleı qoldaýymen ótti.

Festıvál barlyq sport túrlerin birik­tirip, kez-kelgen adamǵa chempıon atanýǵa múmkindik beredi.

Salaýattylyqty serik etken qatysý­shylar 3500 sharshy metr aýmaqta barlyq armrestlıng, krosfıt, vorkaýt, strong men jáne basqa da kúsh qoldanylatyn sport túrlerinen baq synasyp, ózara myqtyny anyqtady.

Sporttyq shara uıymdastyrý­shylary­nyń biri — «Men almatylyqpyn»  qoǵamdyq  birlestigi. Al bul uıymnyń jetekshisi Kon­stantın Avershın «ulttyq sport túrlerin de ulyqtaýǵa tyrysýdamyz, kelesi jyly asyq atýdan da jarys ótkizý josparda bar» degen bolatyn.

– Osy jyly qala ákimdigi bizge barynsha qoldaý kórsetti, olarǵa degen alǵysymyz sheksiz. Bul jolǵy bizdiń uran «Ózińnen basta» boldy. Biz kásipqoı sportqa kóp kóńil bólmeı, tilek bildergenderdiń barly­ǵyn qatystyrýdy sheshtik. Iaǵnı kez-kelgen adam kelip, saıysqa túsýge  múmkindik aldy. Qaı sport túri ekeni mańyzdy emes, krosfıt, armrestlıng nemese bı bolsyn, eń bastysy, sportpen shuǵyldanyp, durys, deni saý qaýymmen birge bolý. Ár jyl saıyn qatysýshylar sany ósip keledi, kelesi jyly budan da kóp bolady degen senimdemin, – deıdi  Konstantın Avershın.

Uıymdastyrýshylardyń aıtýynsha, ózge memleketterdiń álemge áıgili sport­shylary mundaı sharalarǵa qoldaý kórse­tip, jyl saıyn qonaqqa keledi. Osy jyly Reseıden álemniń úzdik bestigine kiretin eń myqty adam Mıhaıl Shıvlákov jáne armrestlıngten Reseı chempıony Vasılıı Kýznesov festıválge qatysty. Ótken jyly qurmetti qonaq qatarynda Mıhaıl Kokláev, al 2016 jyly álem chempıony, halyqaralyq dárejedegi sportshy, bodı­bılder Ramzes Tlákodýgov kelgen bolatyn.

Aıta keter jáıt, festıvál aıasynda armrestlıngten kásipqoılar arasyndaǵy Qazaqstan chempıonaty ótti, onyń barlyq salmaq sanattaryndaǵy jeńimpazdary  Álem chempıonatynda el namysyn qorǵaı­dy.