Ońtústik Qazaqstan oblysynyń ákimi Janseıit Túımebaev Saryaǵash aýdanyndaǵy sapary kezinde áýeli Kókterek kentindegi shıpajaılar aýmaǵynda ornalasqan «Asem-Aı» mıneraldy sýsyn óndiretin zaýyttyń jumysymen tanysty. Qazirgi tańda kásiporyn saǵatyna 20 myń dana ónim óndiredi. 8 gektar aýmaqta ornalasqan zaýytta búginde 80-ge jýyq adam jumys isteıdi.
Aýdannyń óndiristik qýaty men týrısik áleýetin tanystyrǵan aımaq basshysy Qaırat Ábdýálıev búginde Qazaqstannan bólek, kórshi memleketterden Saryaǵash óńiriniń shıpaly sýyn izdep keletin týrıser sany artyp kele jatqandyǵyn aıtty.
«2018 jyldyń İ toqsanynyń ózinde Saryaǵash aýdanyna kelýshiler sany 34 100 adamdy qurap, ótken jyldyń tıisti kezeńimen salystyrǵanda 21,1 paıyzǵa artyp otyr. Qazirgi tańda Saryaǵash aýdanynda 20 qonaq úı, 12 mádenı-tarıhı nysan, 1 balalar shıpajaıy men lageri jáne 26 emdik-saýyqtyrý ortalyǵy qyzmet kórsetedi. 2018 jyldyń İ toqsanynda aýdanda 2 shıpajaı iske qosylsa, jalpy 2018-2023 jyldary aralyǵynda 9 shıpajaı salý josparlanyp otyr», - dedi Qaırat Amankeldiuly.
Oblys ákimi shıpajaılardyń sanyn kóbeıtýde áýeli demalýshylarǵa qajetti jaǵdaı jasaý kerektigin jetkizdi.
«Saryaǵash óńirinde týrızmdi damytý úshin aýdannyń áleýeti jetedi. Munda tórtkúl dúnıege belgili shıpaly sýy bar, ınfraqurylym máselesi sheshilgen. Árıne shıpajaılar sanynyń artqandyǵy kelýshilerdiń kóbeıgendigin kórsetedi. Máselen, búgingi tańda oblys boıynsha 190 qonaq úı, 44 shıpajaı, 61 demalys aımaǵy, 19 balalar saýyqtyrý lageri jáne 104 týrısik uıym bar. Bastysy, atalǵan oryndarda kelýshilerge joǵary qyzmet kórsetý sapasyn nazarda ustaý qajet», - dedi Janseıit Túımebaev.
Sondaı-aq, aǵymdaǵy jyly Ońtústik Qazaqstan oblysynda týrızm salasynda «Sıfrlyq Qazaqstan» memlekettik baǵdarlamasyn júzege asyrý maqsatynda jol kartasy bekitilgen bolatyn. Osy rette oblystyń 35 tanymal týrısik nysanynda halyqaralyq standartqa sáıkes sıfrlyq QR tólqujattar ornatylǵan. Osy tólqujattar arqyly kelýshi týrıser nysan boıynsha 6 tilde jyldam ári yńǵaıly aqparat alýǵa múmkindigi bar.
