Kıeli mekenderdi kórgisi keletin sheteldik jáne otandyq týrıserge jol bastaýshy bolýdy qalaıtyn ońtústikqazaqstandyq jastar «Gıd-volonter» jobasy boıynsha iske kirisken edi. «Rýhanı jańǵyrý» jobalyq keńsesiniń qoldaýymen qolǵa alynǵan bul jobaǵa M.Áýezov atyndaǵy Ońtústik Qazaqstan memlekettik ýnıversıteti «Týrızm» jáne «Tarıh» mamandyqtarynyń stýdentteri belsene qatysty. Gıd bolýǵa nıet bildirgen eriktiler óńirdegi kıeli jáne tarıhı oryndarda bolyp, ózderin qyzyqtyrǵan mamandyqtyń qyr-syryn meńgerdi.
Saıahat barysynda stýdentter Arystanbab, Qoja Ahmet Iassaýı, Domalaq ana, Báıdibek ata kesenelerinen bastap, óńirdegi barlyq kıeli nysandardyń tarıhy men erekshelikterine qanyqty. Týrızm salasynyń mamandary Ǵanı Nazarbek pen Gúlnar Bekmuratova jáne jergilikti shyraqshylardyń tarapynan erikti gıdterge aqyl-keńester aıtylyp, tájirıbe almasyldy. Jýyrda «Ontustik Center» ortalyǵynda stýdentter kıeli oryndar men týrıstik marshrýtta belgilengen nysandarǵa jasaǵan, zerttegen jumystaryn qorǵady. Sondaı-aq, 72 saǵattyq praktıkalyq kýrstan ótti. Gıd-volonterlerdiń zerektigi tekserilip, olarǵa sertıfıkattar tapsyryldy.
* Jobaǵa qatysyp, kóp nárseni úırendik. Týǵan jerdiń tarıhyn oqýmen qatar, kózben kórýdiń ózi de bir ǵanıbet. Boıymyzdaǵy Otanǵa degen súıispenshilik eselene tústi.Keleshekte mektep oqýshylarynyń saıahatqa shyqsa tanystyrylym jasaýǵa daıynmyn –deıdi PIK-16-3K tobynyń stýdenti Zakır Antarov.
