Jýantóbede de "Báıterek" bar.

Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń «Atameken», «Týǵan jer» arnaıy jobasy aıasynda Sozaq aýdany, Jýantóbe aýylyndaǵy S.Seıfýllın atyndaǵy jalpy orta mektebiniń 1998 jylǵy bitirýshi túlekter Astana qalasynyń 20 jyldyǵyna, Sozaq aýdanynyń 90 jyldyǵyna oraı ózderi týyp ósken, kindik qany tamǵan týǵan jerlerine «Báıterek» monýmentin ornatty.

Ashylý saltanatyna qatysqan aýdan ákiminiń orynbasary Aıdarbekov Baǵdat Begmanuly men 1998 jyly  bitirgen túlekter atynan Qaıratuly Elnur saltanatty túrde lentasyn qıdy. B.Aıdarbekov óz kezeginde aýyl turǵyndaryna quttyqtaý sóz sóılep, týǵan jerge taǵzym etip, azamattyq is jasaǵan jandardy aýdan ákiminiń arnaıy alǵys hatymen marapattady.

Ashylý saltanaty merekelik sharaǵa arnaıy shaqyrýmen kelgen aýdandyq «Myńjylqy»  mádenıet saraıy ónerpazdarynyń konserttik baǵdarlamasymen jalǵasty. Sharaǵa qatysqan  aq jaýlyqty ájeler shashý shashyp,  qarıalar aq batasyn berdi.