«Rýhanı jańǵyrý» oblystyq jobalyq keńsesiniń uıymdastyrýymen mektep kitaphanalarynda «Lıder Reader ON» keshendi is-sharasy ótkizilip jatyr.

Maqsaty: mektep oqýshylary arasynda kitaptyń mańyzdylyǵy, kitap oqýǵa degen qyzyǵýshylyǵyn oıatý, ómirde jaqsy jetistikke jetý úshin kóp oqyp, izdený kerek ekenin uǵyndyra otyryp, olardy adamgershilikke, meıirimdilikke, ádeptilikke tárbıeleý.Oqýshylardyń shyǵarmashylyq qabiletterin, kórkem ádebıetke degen qyzyǵýshylyǵyn damytý, dúnıetanymyn keńeıtý,sana-sezimderin, ómirlik ustanymdaryn qalyptastyrý.

Shardara aýdanynda B.Soqpaqbaev mektebinde «Lıder Reader ON» keshendi is-sharasyn qortyndylady.

Kitap oqýda úzdiktik tanytqan 13 oqýshy anyqtaldy. Úzdikter jergilikti aqyndardyń shyǵarmashylyqtaryn mánerlep, naqyshyna keltirip oryndady. Sonymen qatar, aqyn-jazýshylardyń eńbekterinen quralǵan býktreıler kórsetildi.

«Rýhanı jańǵyrý» oblystyq jobalyq keńsesiniń ókili S.Kendirbaev uıymdastyrylǵan is-shara óz kezeginde oqýshylardyń kitap oqyp, rýhanı azyq alyp, otansúıgish azamat bolyp qalyptasýyna ıgi yqpalyn tıgizetiniń aıtty.Qatysýshylarǵa alǵysyn aıtyp, sáttilikter tiledi.

İs-shara barysynda Q.Amanjolov atyndaǵy mekteptiń oqýshylary «Rýhanı jańǵyrý» ádebı-sazdy montajyn usynsa, S.Qurmanǵazy atyndaǵy mektebiniń bilimpazdary «Týǵan jerim-keshe, búgin, erteń» taqyrybynda úzdik ǵylymı-izdenis jumysynyń prezentasıasyn tanystyrdy. Al, B.Soqpaqbaev atyndaǵy mekteptiń oqýshylary «Abaı danalyǵy» ashyq tárbıelik-ıntellektýaldyq sabaǵyn ótkizdi. Sonymen qatar, is-shara aýdandyq balalar saz mektebiniń oqýshylary konserttik baǵdarlamasy men sherýge jalǵasty. İs-sharada úzdiktik tanytqan oqýshylarǵa aýdan ákimdiginiń arnaıy dıplomy berildi.