Búgin Almaty oblysy Talǵar aýdany Jańalyq aýylynda qýǵyn-súrgin qurbandaryn eske alýǵa arnalǵan mıtıń ótti. Oǵan oblys ákimi Amandyq Batalov, qoǵamdyq uıym ókilderi, repressıaǵa ushyraǵan azamattardyń urpaqtary, jergilikti turǵyndar qatysty, dep habarlaıdy Almaty oblysy ákimdiginiń baspasóz qyzmet.
Mıtıńini eskertkish-memorıalǵa gúl qoıýdan bastaǵan oblys ákimi Amandyq Batalov kópshilik aldynda baıandama oqyp, 31 mamyr el tarıhyndaǵy eń bir azaly kúnderdiń biri ekenine toqtaldy.
– Jyl saıyn osy kúni el táýelsizdigi úshin kúresken, ultymyzdyń birtýar, aıaýly ul-qyzdaryn, jazyqsyz japa shekken qurbandardy eske alamyz. Jappaı saıası qýǵyn-súrgin qurbandaryn aqtaý, zańsyz qýdalanǵan azamattardyń quqyǵyn qalpyna keltirý jumystary qansha ýaqyt ótse de toqtalmaýy tıis. Biz Elbasynyń «Rýhanı jańǵyrýá baǵdarlamasy aıasynda jazyqsyq qurban bolǵan babalardyń rýhyna arnap, Jańalyq aýylynda mýzeı salýdy uıǵaryp, bıyl qurylysyn bastadyq. Mýzeıdiń ekspozısıalyq zalynda ult qaıratkerleri týraly materıaldar qoıylyp, osy jerde jerlengen saıası qýǵyn-súrgin qurbandarynyń aty-jónderi tas taqtaǵa oıylyp jazylatyn bolady, – dedi A. Batalov.
Respýblıkalyq qýǵyn-súrginge ushyraǵandar qaýymdastyǵynyń tóraǵasy Jumabek Ashýuly qazaq jerinde ár kezeńde túrli sıpatta oryn alǵan náýbetterdiń tarıhyna, onyń zalaly men bolashaq úshin sol qaraly tarıhty bilýdiń mańyzyna toqtaldy.
Saıası qýǵyn-súrgin qurbany, aqyn, qoǵam qaıratkeri İlıas Jansúgirovtiń uly Saıat Jansúgirov ákesine arnaǵan júrekjardy óleńin oqydy.
Sodan keıin «Ádilet» qoǵamdyq birlestiginiń tóraǵasy Ǵarıfolla Ánes sóz sóıledi. Ol osydan 20 jyl buryn «Ádilet» qoǵamdyq birlestigine osy aýmaqtan 17 gektar jer berilgenin, sol jerge mýzeı salý týraly armany bıyl júzege asqanyn aıtyp, oblys basshylyǵyna rızashylyǵyn bildirdi.
– Qazaqstannyń eń bir kıeli jerinde turmyz. 4 150 adamnyń osy jerde súıegi jatyr. Budan artyq qandaı qaıǵy-qasiret bolýy múmkin, budan artyq qandaı kıeli jer bolýy múmkin! Osy turǵan bárimiz de jylda osy jerge kelip, aza tutýǵa jazsyn, – dedi ǵalym.
Jınalǵandar saıası qýǵyn-súrgin qurbandaryn bir mınýt únsizdikpen eske alyp, ekertkishke gúl qoıdy.
Bozdaqtarǵa quran baǵyshtalyp, as berildi.
Aıta keteıik, Jańalyq aýylynda salynyp jatqan saıası qýǵyn-súrgin qurbandaryna arnalǵan mýzeıdiń jalpy aýmaǵy – 535 sharshy metr. Qurylys jumystaryna 288 mln. teńge bólingen. Merdiger kompanıa – «Nur-SHapaǵat» JSHS. Qurylys jumystary bıyl naýryz aıynda bastalǵan.
