Aq úıde 1 maýsymda AQSH prezıdenti Donald Tramp Soltústik Koreıa basshysy Kım Chen Ynnyń keńesshisi Kım En Chol bastaǵan delegasıamen kezdesedi.
Kım En Chol Trampqa Soltústik Koreıa basshysynyń jeke sálemin jetkize kelgen.
Kezdesýde Sıngapýrde 12 maýsymda ótedi delingen AQSH pen Soltústik Koreıa samıtine daıyndyq talqylanbaq. Donald Tramp Kım Chen Ynǵa samıt bolmaıtyny týraly hat joldaǵan soń samıt ótetin resmı data álige deıin naqtylanǵan joq. Eki tarap ta eki el basshylarynyń samıtine daıyndyqty jalǵastyryp jatqanyn aıtady.
Kım En Chol buǵan deıin Nú-Iorkte AQSH memlekettik hatshysy Maık Pompeomen kezdesken. Al birer kún buryn Reseı syrtqy ister mınıstri Sergeı Lavrov Phennǵa baryp, Kım Chen Ynniń qabyldaýynda bolǵan.
Keıbir aqparatqa qaraǵanda, Soltústik Koreıa basshysy Koreı túbegin ıadrolyq qarýsyz aımaq qylý ıdeıasyna adal ekenin rastaǵanymen, bul prosesti birtindep, AQSH jeńildikter jasaǵan jaǵdaıda ǵana júrgizýdi talap etip otyr. AQSH Phenándy ıadrolyq qarýdan eshqandaı shartsyz bas tartýy kerek degen ustanymnan tanbaıdy.
