OQO boıynsha Memlekettik kirister departamenti basshysynyń orynbasary Nurjan Teńlibaev ustaldy, dep habarlaıdy Qamshy.kz aqparat agenttigi QR Memlekettik qyzmet isteri jáne sybaılas jemqorlyqqa qarsy is-qımyl agenttigi baspasóz qyzmetine silteme jasap.

«Nurjan Teńlibaev arnaıy qylmystyq jospar quryp, ózine baǵynatyn tórt kedendik bekettiń basshylaryn tartqan. Atap aıtqanda, syrtqy ekonomıkalyq qyzmettegi jalpy qamqorlyǵy úshin kásipkerlerden para alýdy uıymdastyrdy», - dep jazylǵan habarlamada. 

Ulttyq búro usynǵan málimet boıynsha 2017-2018 aralyǵyndaǵy kezeńde alynǵan zańsyz syıaqy mólsheri 1,2 mln dollardy quraǵan.

N.Teńlibaev atalǵan faktiler boıynsha qylmystyq is júrgizý kodeksiniń 128 baby boıynsha ustalyp, ýaqytsha ustaý ızolátoryna qamalǵan. Qazirgi tańda sotqa deıingi tergeý amaldary júrgizilip jatyr.