Taldyqorǵan qalasynyń Jýrnalıser úıinde Elordanyń 20 jyldyq mereıtoıy qarsańynda «Astanaǵa 20 jyl» atty fotokórme ótti, - dep jazady Qamshy.kz aqparat agenttigi.
Bıylǵy jyly elimizdiń jan-júregi, arman qala, arý qala Astanamyzdyń20 jyldyǵyn atap ótpekpiz. Bul shyn máninde uly toı. Búgingi kúni Astana álemge tanymal shaharǵa aınaldy. Osyǵan oraı, Almaty oblysynyń ishki saıasat basqarmasy, Óńirlik komýnıkasıalar qyzmetiniń uıymdastyrýymen «Astanaǵa 20 jyl» atty taqyrypta fotokórme uıymdastyrdy. 
Kórmeniń maqsaty «Bolashaqqa baǵdar: rýhanı jańǵyrý» baǵdarlamasy aıasynda Astana qalasynyń 20 jyl mereıtoıy qarsańynda qalanyń kórkem jerlerinen syr shertetin, eldigimizdi tanytatyn, ereksheligimizdi aıqyndaıtyn qaıtalanbas qoltańbalaryn qaldyrǵan «Photobar» klýbynyń tańdaýly 20 sýretin halyq nazaryna usyný .
«Photobar» ár túrli salada qyzmet atqaratyn, alaıda sýret ónerine qyzyǵýshylyq tanytatyn shyǵarmashyl adamdardyń birlesken uıymy. Uıymda zańger, muǵalim, ekonomıs, medbıke, qarapaıym qyzmetkerler múshe. Alaıda olar qoǵamda fotosýret ónerine durys kózqaras qalyptastyrýǵa jáne elimizde de, shetelde de fotograftar men klýb músheleriniń shyǵarmashylyǵyn nasıhattaý jolynda eńbek etýde.
«Kópshilik nazaryna elordanyń jan beınesin beıneleıtin záýlim ǵımarattardyń, qalanyń kórikti jerleri, elbasymyzdyń fotosýretteri qoıyldy. Tabıǵattyń tilin túsinip, oǵan jan bitirý degen óte qıyn, kúrdeli dúnıe. Osyndaı kóz tartarlyq sýretter shyǵarmashyl adamdardyń izdenis ústtinde júretindiginiń bir dáleli. Fotosýretshilerdiń aldaǵy ýaqytta bul kórmemen shektelip qalmaıtyndyǵyn, Jetisý jeriniń ásem jerlerin beınege túsirip, elimizge, jerimizge qyzyǵýshylyq tanytatyn azamattarmen, basqa aımaqtyń turǵyndary kórip, qyzyqtaı alatyn dúnıeler túsirip , keń aýqymdy jumystar atqarý josparda,-dedi «Photobar» klýbynyń múshesi Sergeı Sherbakov.
«Fotosýret óneri boıamasyz shynaıylyǵymen, tarıhı sátti óte dáldikpen kórsetip bere alatyndyǵymen qundy. Osyndaı týyndylar kórmeniń arqaýy bolyp, sýretter ajarlandyra tústi», - deıdi kórme uıymdastyrýshysy.
Kórmege Valerıı Kalıev, Salavat Nýrgojaev Nıkıta Jarkov, Rýslan Hasanov, Arman Baısadykov, Aıbek Ahanov, Bılal Arslan, Dana Jýldyzbek, Maksım Rojın, Maksat Shagyrbaev, Borıs Brýl, Týrar Kazangapov, Ganı Ýmırbekov sıaqty tanymal fotosýretshilerdiń eńbekteri qoıylǵan.