Búgin Almaty qalasynyń qorǵanys isteri jónindegi departamenti Almaty óńirlik garnızony Áskerı polısıa jasaǵymen birge "Qazaqstan Respýblıkasy memlekettik qyzmetshileriniń ádeptilik normalaryn jáne minez-qulyq qaǵıdalaryn odan ári jetildirý jónindegi sharalar týraly" Qazaqstan Respýblıkasy Prezıdentiniń 2015 jylǵy 29 jeltoqsandaǵy № 153 Jarlyǵymen bekitilgen "Qazaqstan Respýblıkasy memlekettik qyzmetshileriniń ádep kodeksin" túsindirý, memlekettik qyzmetshilerdiń moraldyq-adamgershilik beınesine jáne iskerlik qasıetterine qoıylatyn talaptardy joǵarylatý maqsatynda shara ótkizdi.

Atalǵan sharanyń negizgi maqsaty - árbir memlekettik qyzmetshi óziniń barlyq kúsh-jigerin, bilimi men tájirıbesin ózi júzege asyratyn kásibı qyzmetine jumsaı otyryp, óziniń Otany – Qazaqstan Respýblıkasyna qaltqysyz ári adal qyzmet etý, adal, ádil, qarapaıym bolýǵa, jalpy qabyldanǵan moraldyq-ádeptilik normalaryn saqtaý, azamattarmen jáne áriptesterimen qarym-qatynasta sypaıylyq pen ádeptilik tanytý. Shara barysynda memlekettik qyzmet kórsetý sapasyn arttyrý boıynsha turaqty túrde sharalar qabyldaý qajettigi aıtyldy. Almaty óńirlik garnızony Áskerı polısıa jasaǵynyń ókili O.Mýsakýlov Qazaqstan Respýblıkasynyń memlekettik qyzmet, sybaılas jemqorlyqqa qarsy is-qımyl salasyndaǵy zańnamasynyń, sondaı-aq Ádep kodeksiniń normalaryn túsindirdi.

Sonymen qatar, Almaty qalasygyń qorǵanys isteri jónindegi departamentinde qyzmettik ádep normalarynyń saqtalýyn, sondaı-aq ujymdaǵy moraldyq-psıhologıalyq ahýaldyń jaı-kúıin monıtorıńteý maqsatynda jarty jylda bir ret anonımdi saýalnama júrgiziledi. Sóz sońynda aıtarymyz, Ádep kodeksi memlekettik qyzmetshiniń moraldyq-ádeptilik beınesin joǵary qoıatyn jáne ujym arasyndaǵy qarym-qatynasty retteıtin birlen-bir qujat.