Kemerovo oblysynda joǵalyp ketip, birneshe kúnnen keıin óli tabylǵan 7 jasar qyzǵa qatysty tergeý jumystary bastaldy. Bul týraly Reseıdiń Kemerovo oblysy boıynsha Tergeý komıteti habarlady.
2018 jyldyń 3 maýsymynda Tergeý komıteti men polısıa qyzmetkerleriniń birigip izdestirý sharalary nátıjesinde qyzdyń denesi dalada turǵan eski tońazytqyshtyń ishinen óli tabylǵan.
Oqıǵa Belovo qalasynda bolǵan. Qyzdyń denesinde zorlyq-zombylyq belgileri joq.
Polısıa "oınap júrip tońazytqyshtyń ishine kirgen qyz esigin asha almaǵan" dep boljaıdy. Qazirgi ýaqytta "balany óltirý" baby boıynsha qylmystyq is qozǵaldy.
2018 jyldyń 29 mamyrynda oınaýǵa shyǵyp ketken qyz joǵalyp ketken. 18 saǵat ótken soń qyzynyń esh jerde joq ekenin baıqaǵan ákesi quqyq qorǵaý organdarynyń kómegine júginedi. İzdestirý sharalaryna polısıa qyzmetkerlerinen bólek eriktiler de kiristi.
