Jezqazǵan qalasy ákiminiń orynbasary Nurjan Orynbaev 550 teńge paramen ustaldy,dep habarlaıdy Qamshy.kz aqparat agenttigi.

Bul týraly Memlekettik qyzmet isteri jáne sybaılas jemqorlyqqa qarsy kúres agenttigi uıymdastyrǵan brıfıńte agenttik ókili Nurjan Jahın málimdedi. 

«Qaraǵandy oblysy boıynsha sybaılas jemqorlyqqa qarsy is-qımyl departamenti jedel izdestirý is-sharalaryn júrgizý barysynda Jezqazǵan qalasy ákiminiń orynbasary Orynbaev paramen áshkerelendi. Qala ákiminiń orynbasary «Jezqazǵan qalasyndaǵy sýmen jabdyqtaý jelilerin qaıta qurý» nysany boıynsha oryndalǵan jumystar aktisine kedergisiz qol qoıý úshin jáne «Óńirlerdi damytý 2020» memlekettik baǵdarlamasyn iske asyrýǵa bólingen búdjet qarajatynyń ýaqytyly tólenýi úshin JSHS ókilinen 550 myń teńge para aldy dep kúdiktelýde», - dedi Jahın.

Resmı ókildiń sózinshe Orynbaev bar kinásin tolyqtaı moıyndaýyna baılanysty ustalmaǵan. Qazirgi tańda para berý faktisi boıynsha is qozǵalyp, sotqa deıingi tergeý jumystary júrgizilip jatyr.