Taldyqorǵanda taǵy bir adam menıngıtten qaıtys boldy. Bul aqparatty oblys ákiminiń baspasóz hatshysy rastady.
— 17 jastaǵy stýdent menıngıtten qaıtys boldy. Aýrý jyldam túrde ótken. Ol aýrýhanaǵa jetkizilgende jaǵdaıy nashar bolǵan. Ázirge onyń qaı oqý ornynyń stýdenti ekeni anyqtalǵan joq, - dedi oblys ákiminiń baspasóz hatshysy Ǵalymurat Júkel.
Júkeldiń málimetinshe, naýqas 18.30 shamasynyda Taldyqorǵandaǵy mýltıdısıplınarly aýrýhanada kóz jumǵan. Onyń aıtýynsha, naýqas aýrýdy basqalardan juqtyrǵan. Aıta keterligi, osymen Taldyqorǵanda menıngıtten eki adam qaıtys boldy. Buǵan deıin juqpaly aýrýlar aýrýhanasynda 2 jastaǵy qyz qaıtys bolǵan.
