Astana polısıasy KADEX-tegi kisi ólimine qatysty jańa derektermen bólisti.
Polısıa qyzmetkerleriniń aıtýynsha, qaza tapqan er adamnyń kórme uıymdastyrylýyna esh qatysy joq. Al oqıǵa bolǵan kúni jeldiń kúsheıýi men aýa raıynyń buzylýy týraly turǵyndarǵa SMS-habarlamalar taratylǵan.
Qazirgi ýaqytta polıseıler 66 jastaǵy zeınetkerge kórmege kirýge kim jáne qashan ruqsat bergenin anyqtap jatyr.
Astana ishki ister departamenti Qylmystyq kodekstiń 306-baby (Qaýipsizdik talaptaryna saı emes qyzmet kórsetý) boıynsha sotqa deıingi tergeý amaldaryn júrgizýde.
«Kórme aýmaǵynda aqparattyq-jarnamalyq qalqan ornatýshy merdiger uıymǵa qatysty tekserý sharalary oryndalyp, saraptamalar taǵaıyndaldy», — dep habarlady İİD.
Aıta keteıik, 24 mamyrda Astanadaǵy KADEH-2018 jabyq kúni kórme aýmaǵynda er adamǵa stend qulap kóz jumǵan.
Qorǵanys jáne aeroǵarysh ónerkásibi mınıstri Beıbit Atamqulov qaıǵyly jaǵdaıǵa dál sol kúni kórmede bolǵan er adamnyń ózin kinálady. Mınıstrdiń aıtýynsha, ol kún kelýshilerge arnalmaǵan bolyr shyqty.
