QR Densaýlyq saqtaý mınıstrliginiń Qoǵamdyq densaýlyq saqtaý komıtetiniń tóraǵasy Jandarbek Bekshın Senat spıkeri Qasym-Jomart Toqaevtyń menıngıtke baılanysty aıtqan pikirine jaýap berdi. Bul jaıynda Qamshy.kz aqparat agenttigi Tengrinews málimetine súıenip jazady.

Parlament senatynyń tóraǵasy Qasym-Jomart Toqaev eldegi órship turǵan menıngıt derti týraly pikir bildirgen bolatyn.

— Aýrýdy  toqtatý úshin barlyq qajetti talaptar oryndalǵanyn estidińiz. Bizben arnaıy mamandar jumys istep jatyr. Olar bizdiń jumysty úsh kezeń boıynsha tolyq atqaryp jatqanymyzǵa baǵa beredi.  Birinshi kezeń – naýqastardyń turǵan jerin anyqtap,  olarmen tyǵyz baılanysta bolǵan tulǵalardyń qataryn anyqtaý jáne ol adamdardy  antıbıotıkalyq profılaktıkamen emdep,  dárigerlerdiń qadaǵalaýynda ustaý.  Ekinshisi – dıagnostıka. Úshinshisi —   emdeý. Osy úsh negizgi kezeń boıynsha jumysty  biz tolyq oryndadyq. Bizdiń  halyqpen únemi kezdesip otyratynymyzdy bilesizder, - dedi brıfıń barysynda Jandarbek Bekshın.

Aıta keteıik, keshe menıngıtten Taldyqorǵanda 17 jastaǵy stýdent qaıtys boldy.