Oblystyń turaqtandyrý qoryna 450 mln teńgege jýyq somaǵa 7,5 myń tonna kókónis ónimderi satyp alyndy. Osy jyly áleýmettik mańyzdaǵy taýarlardyń tizimine qyzylsha kirgizilmegen eken.

2018 jyldyń qarasha aıynan bastap 2019 jyldyń mamyryna deıin turautandyrý qorynyń Óskemen men Semeıdegi saýda oryndary kartop pıaz, oramjapyraq jáne sábiz kókónisterin satyp bastaıdy. Jergilikti aýyl sharýashylyq ónimderin óndirýshilerden taýarlyq bırja arqyly fúcherstik satyp alý júrgizilip qoıdy. Óskemenge — 3300 tonna, Semeıge – 4200 tonna kókónis alyndy,

-Sáýir aıynda biz 70 paıyz mólsherinde aldyn ala tólem jasadyq. Qalǵany ónim tolyq jetkizilgennen keıin tólenedi. Ónimdi turaqtandyrý qoryna jetkizý ýaqyty – osy jyldyń 30 qazanynda. Kókónister komısıa usynyp, ákimdik bekitken baǵa men keste boıynsha satylatyn bolady, — dep habarlady «Ertis» ÁKK» AQ Basqarmasynyń tóraǵasy Anton Kramarenko.

2017-2018 jylǵa alynǵan kókónis ónimderi tolyq ótkizilgen eken. Turaqtandyrý qorynyń 109 saýda ornynda tómen baǵamen 3650 tonna kartop, 1550 tonna oramjapyraq, 250 tonna qyzylsha, 1150 tonna pıaz, 900 tonna sábiz satylypty.