Bul týraly medısına ýnıversıtetiniń baspasóz qyzmeti málimdedi. Elimizdegi úzdik oqý oryndardyń tizimin Akredıtteý jáne reıtıń táýelsiz agenttigi anyqtaǵan.

Tizimnen Ál-Farabı atyndaǵy Qazaq ulttyq ýnıversıteti, L. N. Gýmılev atyndaǵy Eýrazıa ulttyq ýnıversıteti, M. Áýezov atyndaǵy OQO-nyń memlekettik ýnıversıteti, S. Seıfýllın atyndaǵy Qazaq agrotehnıkalyq ýnıversıteti, akademık E. Býketov atyndaǵy Qaraǵandy memlekettik ýnıversıteti, sondaı-aq, Qaraǵandy memlekettik tehnıkalyq ýnıversıteti oryn alypty.

Táýelsiz agenttik júrgizgen Ulttyq reıtıń qazaqstandyq oqý oryndarǵa ózderiniń bedelin, bilim berýdegi básekelestik deńgeıin baǵalaýǵa, sapaly jumys qyzmetin arttyrýǵa jáne de, eń bastysy, bul – bilim alýshylardyń sanyn kóbeıtip, jumys berýshilerdi tartýǵa múmkindik beretin tyń tásilderdiń biri. 2014 jyldan beri qolǵa alynǵan atalmysh joba Respýblıkadaǵy aldyńǵy qatarly bilim ordalaryn irikteýge septegin tıgizýde.

Al úzdikterdi anyqtaý júıesi kelesideı krıterıler boıynsha iske asady eken. Olar: oqý oryndaǵy talantty stýdentter, oqytýshylar jáne zertteýshi-ǵalymdardyń shoǵyrlanýy. Profesorlyq-oqýtyshylyq quram men stýdentterdiń akademıalyq utqyrlyǵy, bitirýshi túlekterdiń jumyspen qamtylýdaǵy sapa deńgeıi, bilim uıasy jáne jumys berýshilerdiń ózara tıimdi baılanysy. Sol sıaqty oqytýshylar, doktoranttar ári magıstranttardyń ǵylymı maqalalarynyń básekege qabilettiligi esepke alynatyn kórinedi. Bıylǵy jyly Ulttyq reıtıńke eldegi 75 bilim uıymy ótinish bildiripti. Alaıda olardyń 17-si baıqaýdan shettetilgen. Sebebi ótinish toltyrýda óreskel qatelikter jiberilgen-di. Bas tizimge 58 joǵary oqý oryn enip, onyń ishinde 6-ýy ulttyq, 21 memlekettik, 7 aksıonerli jáne 24 mekeme jekemenshik bilim uıymy bolyp sanalady. Osylaısha bolashaq aq halattylardy daıyndaıtyn Semeıdegi medısına ýnıversıteti óz abyroıyn laıyqty qorǵap otyr.