Óskemende semserlesýden Er Jánibekti eske alýǵa arnalǵan ashyq respýblıkalyq týrnır ótýde. Atalmysh synǵa 2000-shy jylǵa deıingi jasóspirimder qatysýda.

Jarystyń tusaýkeser rásimine qatysqan oblystyq dene shynyqtyrý jáne sport basqarmasynyń basshysy Asqar Mojanov jas semserlesýshilerdi týrnırdiń ashylýymen quttyqtaı kele, doda Uly Jeńistiń 73 jyldyǵyna oraılastyrylǵanyn da jetkizdi.
Respýblıkalyq deńgeıdegi jarysqa shyǵysqazaqstandyq sportshylardan bólek, elimizdiń birqatar óńirinen, sondaı-aq Reseı men Qyrǵyzstannan kelgen jalpy sany 200-ge jýyq semserlesýshi qatysyp, óz múmkindikterin baıqap kórýde.

Úsh kúnge sozylatyn báseke barysynda qatysýshylar qarýdyń eki túri (semser jáne qylysh) boıynsha synǵa túsedi. Aıta ketý kerek, bul dodada júldeger atanǵandar upaı jınap, reıtıńtik jaǵdaılaryn birshama jaqsarta alady. Odan bólek jarysta úzdik shyqqandar kelesi maýsymnan bastap el quramasy sapyna alynbaq.