Bıyl Semeı shaharynda qýanyshqa toly 9-mamyr Jeńis kúniń joǵary dárejede atap ótý úshin kóptegen áskerı paradtar, fleshmobtar,«Máńgilik Dańq» sherýi men men soǵysta qaza tapqan maıdangerlerge arnalǵan eskertkishterge gúl shoqtaryn qoıý sıaqty aıtýly is-sharalar ótkizilgen bolatyn.

Al, keshe keshkisin ortalyq alańda tańerteńnen bastap dúrkiretip toılanyp jatqan jeńis meıramy «Uly jeńis kúni qutty bolsyn» atty konserttik baǵdarlamamen aıaqtaldy.

Merekeni qarsy alýǵa kelgen barsha shahar turǵyndaryna Ámire Qashaýbaev atyndaǵy Semeı memlekettik fılarmonıasynyń óner ıeleri, «Shyǵys» óńirlik qolbasshylyǵynyń sarbazdary, qalalyq mádenıet saraıynyń ánshileri jáne de ózgede ónerpazdar soǵys jyldaryndaǵy ánderdi shyrqap, kópshilik qaýymnyń ystyq yqylasyna bólendi.

Shyǵystyń qos shynary «Vernıte památ» ánin oryndaǵanda otty jyldardy eske alǵan talaı ardagerlerimizdiń kózderine jas úıirildi.

Sondaı-aq saǵat 22:00-de merkelik otshashý aspanǵa atylyp jáne Semeılik dıdjeılerdiń qatysýymen jastarǵa arnalǵan bı keshi uıymdastyryldy.