Almatydan ákelinedi degen 13 tramvaı vagonynyń beseýi Óskemenge jetkizildi, qazir olar Tramvaı parkiniń mańynda tur, áli júk kóliginen túsirilgen joq.

Buǵan deıin ákelingen kók tústi vagondar aqshyl-kók túske qaıta boıalatyny týraly aıtylǵan edi. Alaıda, vagondar boıalmaıtyn boldy. Bul týraly mekeme basshysy Vladımır Pankov málimdegen.

Esterińizge salsaq, qaryzy bastan asqan Óskemen tramvaı parkiniń múlki naýryz aıynda satylymǵa shyǵarylǵan bolatyn.

Korporasıanyń basqarma tóraǵasy Anton Kramarenko parktiń endigi ıesi «Ertis» ÁKK ekenin aıtqan. Satylymǵa qoıylǵan múlikter jıyntyǵynan 444 mln teńge túsken.
Mekemeniń tirkeýge turýy jónindegi de másele áli tolyq sheshilmegen. «Ertis» ÁKK bul týraly jaqyn arada málimdeme jasaımyz dep otyr.