Shyǵys Qazaqstanda densaýlyq saqtaý mekemelerin sıfrlaý boıynsha jumystar aıaqtalyp qaldy. Sońǵy málimetterge súıensek, SHQO-daǵy memlekettik aýrýhanalardyń 97%-y qaǵazsyz qujat aınalymynyń medısınalyq aqparattyq júıesin (MAJ) engizip qoıǵan.

Oblystyq densaýlyq saqtaý basqarmasy basshysynyń orynbasary Ilıas Muhamedjannyń aıtýynsha, kelesi kezeń Densaýlyq saqtaý mınıstrliginiń deńgeıinde eken, ıaǵnı arnaıy elektrondy servıs (platforma) engizý, onyń negizinde densaýlyqtyń elektrondy pasporty jumys isteıtin bolady. Munyń barlyǵy baǵdarlamalyq jasaqtamaǵa baılanysty, qazir bul másele sheshilýde.

-Densaýlyqtyń elektrondy pasporty negizinde elektrondy joldamalar men reseptilerdi júzege asyrý josparlanyp otyr. Bul jumystar aǵymdaǵy jyldyń ekinshi toqsanynda aıaqtalmaq, — deıdi Ilıas Muhamedjan. – Jyldyń sońyna deıin pılottyq aprobasıa júzege asyrylyp, elektrondy pasport kezeńmen engizile bastaıdy, el boıynsha 2020 jylǵa qaraı tolyq qamtylady.

Oblys halqynyń 86%-y medısınalyq qyzmetti ınterneti bar aýrýhanalardan alatyny belgili. Ǵalamtor jelisine shalǵaıdaǵy aýdandardyń aýrýhanalarynyń quramyna kiretin aýyldyq dárigerlik ambýlatorıalar, medpýnkter men feldsherlik-akýsherlik pýnkter ǵana qosylmaǵan. Ilıas Muhamedjannyń aıtýynsha, bul máseleni spýtnıktik ınternet-arnalar arqyly sheshýge bolady.