Tegin ambýlatorıalyq dári-dármektermen qamtamasyz etýge arnalǵan preparattardy jóneltý qarqyndy júrgizilip jatyr. Búgingi tańda Qazaqstan boıynsha 31,9 mlrd teńge somaǵa dáriler jóneltilgen. Bul týraly «SK-Farmasıa» JSHS-niń resmı saıtynda habarlanyp otyr.

Dári-dármekter men medısınalyq buıymdardy mamyr aıyna tapsyrys boıynsha jóneltý jumystary sáýir aıynyń bas kezinde  birqatar aımaqtardy bastalyp, qazir jalǵasýda. Medıkamentter eń kóp jiberilgen aımaq Shyǵys Qazaqstan oblysy boldy. Mundaǵy medısınalyq mekemeler 4,3 mlrd teńgege ótken tórt aıdyń dári-dármegin alyp otyr.

Qazaqstandyqtardy ambýlatorıalyq dárilik qamtamasyz etý úshin dárilik zattar men medısınalyq maqsattaǵy buıymdardyń 432 ataýy satyp alynypty. Tutastaı alǵanda, Biryńǵaı dıstrıbútordyń tizimi boıynsha ambýlatorıalyq jáne stasıonarlyq dárilik qamtamasyz etýge arnalǵan 1057 ataý satyp alynǵan, ol jalpy qajettiliktiń 95%-yn quraıdy eken.