ShyǵysQazaqstannyń Ekinshi dúnıejúzilik soǵysy ardagerlerine jarty mıllıon teńge tartý etildi. Búgingi tańda oblysta 240 maıdanger turady. Uly Jeńis meıramy qarsańynda oblys ákimi Danıal Ahmetov Óskemen qalasyndaǵy tórt ardagerdiúılerine jeke ózi baryp quttyqtady. 

Qabataı Qaldybaev balalary men nemereleriniń ortasyndaUly Jeńistiń 73-shi kóktemin qarsy alýda. Erteń aqsaqal týra 100 jasqa tolady.Ol 1918 jyly Ulan aýdanynda dúnıege kelgen. Soǵys bastalǵan kezde ásker qatarynda boryshyn atqaryp júrgen edi. 1942 jyldan bastap Qara jáne Azov teńizderi jaǵalaýlaryn qorǵaý isine qatysyp, Soltústik Kavkaz maıdanynda shaıqasta bolady. «İİ dárejeli Otan soǵysy» ordenimen marapattalǵan. Soǵystan keıin zeınetkerlikke shyqqanǵa deıin Belogor taý-ken baıytý kombınatynda órtsóndirýshi bolyp qyzmet etti. Danıal Ahmetov maıdangerdi 100 jyldyq mereıtoıymen quttyqtap, ashyq aspan, beıbit ómir úshin alǵysyn bildirdi. Sondaı-aq, aqsaqalǵa 500 myń teńgeniń sertıfıkaty men teledıdar tartý etip, ıyǵyńa shapan japty.

– Ár ardager men tyl eńbekkeri – halqymyzdyń qazynasy, ulttyq maqtanyshy, – dep atap ótti oblys ákimi. – Urpaq bolashaǵy jolynda tanytqan qaısarlyqtaryńyz úshin alǵysymyz sheksiz. Sizderge jáne jaqyndaryńyzǵa zor densaýlyq, mol baqyt tileımin!

500 myń teńgeniń sertıfıkatyn jáne turmystyq tehnıkalalardy oblys ákimi sondaı-aq, Marıa Sharıfovna Iaremchýkke, GeorgııVasılevıch Kovalenkoǵa jáne Stepan Egorovıch Mıshınge tabys etti.